ბრაზილიაში ავტობუსი კლდიდან გადავარდა, რის შედეგადაც 17 ადამიანი დაიღუპა. ამის შესახებ ინფორმაციას Reuters-ი ბრაზილიის ალაგოასის შტატის ადგილობრივ ხელისუფლებაზე დაყრდნობით ავრცელებს.

ალაგოასის შტატის გუბერნატორის, პაოლო დანტასის ცნობით, შემთხვევის შემდეგ 29 ადამიანის გადარჩენა მოხერხდა.

ადგილობრივი მედიის ინფორმაციით, ავტობუსი, რომელიც კლდიდან გადავარდა, ბრაზილიის ჩრდილო-აღმოსავლეთში გადაადგილდებოდა.

„ფედერალური მთავრობა სიტუაციას აკვირდება და შტატის ხელისუფლების დასახმარებლად მზადყოფნა გამოთქვა“,- განაცხადა ბრაზილიის პრეზიდენტმა, ლუის ინასიო ლულა და სილვამ.