ღაზის სექტორში ისრაელის სამხედრო ოპერაციის დროს კარვების დაბომბვას მსხვერპლი მოჰყვა.ამის შესახებ ინფორმაციას Aljazeera ავრცელებს.

 მედიის ცნობით, ისრაელის სამხედრო ოპერაციის დროს ხან-იუნისში, სულ მცირე 27 ადამიანი დაიღუპა. 

ქალაქ ხან-იუნისში კარვების დაბომბვას ხუთი ადამიანი, მათ შორის დედა-შვილი ემსხვერპლა.

ისრაელის არმიამ აგრეთვე, არაბული ანკლავის ცენტრალური და სამხრეთ რაიონები და ქალაქი დეირ ელ-ბალაჰი დაბომბა.

ისრაელელმა სამხედროებმა ადგილობრივ მცხოვრებლებს და დევნილ პალესტინელებს ბეიტ-ჰანუნისა და ბეიტ-ლაჰიას რაიონების დატოვებისკენ მოუწოდეს, მოსალოდნელი მასშტაბური ოპერაციის დაწყებამდე.

"ჰამასის“ მიერ კონტროლირებად ღაზის სექტორის ჯანდაცვის უწყებაში აცხადებენ, რომ გასული წლის შვიდი ოქტომბრიდან, სულ მცირე 39 677 ადამიანია დაღუპული, 91 645 დაშავებული.