მსხვერპლი მოჰყვა უკრაინაზე რუსული დრონებით მორიგ შეტევას

რუსეთის ჯარებმა უკრაინაზე უპილოტო საფრენი აპარატებით მორიგი შეტევა მიიტანეს. ოდესის ოლქში ერთი ადამიანი დაიღუპა.

უკრაინის საგანგებო სიტუაციების სამსახურის ინფორმაციით, ოდესის ოლქზე მასირებულმა შეტევამ გამოიწვია სამოქალაქო და კრიტიკული ინფრასტრუქტურის მასშტაბური ნგრევა და ხანძრები კერძო სახლებში.

უკრაინის სამხედრო-საზღვაო ძალების მიერ დღეს, 5 მარტს დილით გამოქვეყნებული მონაცემებით, ღამის განმავლობაში ოდესის ოლქში ჩამოაგდეს რუსეთის 10 ე.წ. დამრტყმელი დრონი.

ოდესაზე უპილოტო საფრენი აპარატებით თავდასხმა იყო 3 მარტსაც. ადგილობრივი ხელისუფლების ინფორმაციით, დაზიანდა 93 სახლი და ელექტროქვესადგური.

გასულ ღამით რუსეთის ჯარებმა დრონებით შეუტიეს კიევსაც. საქალაქო-სამხედრო ადმინისტრაციის ინფორმაციით, ბორისპოლის რაიონში დაზიანდა სახლი და საწარმო.



სურსათის ეროვნული სააგენტო - რძის ნიმუშებში აფლატოქსინი გამოვლინდა
04.04.2025- დან, ყოველი თვის ორმაგ თარიღში, თიბისი განაწილების განსაკუთრებული შეთავაზებებით ისარგებლებთ
საქართველოს ბანკის საგაზაფხულო კამპანია - როგორ მიიღო PLUS ქულები, 5 000 და 10 000 ლარი?
ირაკლი კობახიძემ უკრაინის მოქალაქეებისთვის საქართველოში დარჩენის ვადა 3-დან 1 წლამდე შეამცირა