სოლიდარობას ვუცხადებთ მშვიდობიან პროტესტში მონაწილე ყველა დაკავებულს და ვგმობთ ყველანაირ ძალადობას მშვიდობიანი დემონსტრანტების მიმართ,- ამის შესახებ ნათქვამია განცხადებაში, რომელსაც „თიბისი ბანკი“ ავრცელებს.

როგორც „თიბისის“ განცხადებაშია აღნიშნული, „თიბისელები“ შეიკრიბნენ საქალაქო სასამართლოსთან, რათა მხარდაჭერა გამოუცხადონ გუნდის 2 წევრს - გიორგი მაისურაძესა და გიორგი ქორქაძეს, რომლებიც საპროტესტო აქციაზე დააკავეს.

„დღეს, 8 დეკემბერს „თიბისელები“ შევიკრიბეთ თბილისის საქალაქო სასამართლოსთან, რათა მხარი დავუჭიროთ ჩვენი გუნდის ორ წევრს - გიორგი მაისურაძეს და გიორგი ქორქაძეს, რომლებიც საპროტესტო აქციების დროს უსაფუძვლოდ დააკავეს და მოვითხოვთ მათ დაუყოვნებლივ გათავისუფლებას.

სოლიდარობას ვუცხადებთ მშვიდობიან პროტესტში მონაწილე ყველა დაკავებულს და ვგმობთ ყველანაირ ძალადობას მშვიდობიანი დემონსტრანტების მიმართ“,- ნათქვამია განცხადებაში.