რუსმა მესაზღვრეებმა ერევნის აეროპორტი დატოვეს

რუსმა მესაზღვრეებმა ერევნის აეროპორტი ოფიციალურად დატოვეს. ამის შესახებ ინფორმაციას სომხური მედია ავრცელებს.

მედიის ცნობით, სახელმწიფო საზღვრის დაცვის სომხური მხარისთვის გადაბარების შესახებ პროტოკოლს ხელი ზვათნოცის აეროპორტში სომხეთის ეროვნული უსაფრთხოების სამსახურის სასაზღვრო ნაწილების ძალების მეთაურმა, ედგარ უნანიანმა და სომხეთში რუსეთის ფედერალური უსაფრთხოების სამსახურის სასაზღვრო სამმართველოს უფროსმა, გენერალ-ლეიტენანტმა, რომან გოლუბიცკიმ მოაწერეს.

პროტოკოლში აღნიშნულია, რომ "სომხური მხარე რუსეთს ხანგრძლივი ერთობლივი თანამშრომლობისთვის მადლობას უხდის და მათ საქმიანობასთან დაკავშირებით პრეტენზია არ აქვს".

რუსი მესაზღვრეები აეროპორტში სომეხ კოლეგებთან ერთად 1992 წლიდან იმყოფებოდნენ.



რუსებმა ხარკოვს დრონებით შეუტიეს - დაშავებულებს შორის არინ ბავშვები
ტრამპის ადმინისტრაცია ამკაცრებს სანქციებს რუსულ ნავთობზე, გაზსა და საბანკო სექტორებზე
პროკურატურა - სასამართლომ ნარკოდანაშაულსა და ფულის გათეთრებაში 10 პირი დამნაშავედ ცნო
საფრანგეთის პარლამენტმა რეზოლუცია მიიღო, რომელშიც საქართველოს არჩევნებში რუსული ჩარევებიცაა ნახსენები