ბაზისბანკის მხარდაჭერით, ეროვნული ბანკის კონკურსი - „ახალგაზრდები ახალგაზრდებისთვის“ დაიწყო

ბაზისბანკის მიერ განათლების პროექტების მხარდაჭერის ფარგლებში, საქართველოს ეროვნული ბანკის ფინანსური განათლების პორტალ ფინედუს ინიციატივით, ახალგაზრდობის საერთაშორისო დღესთან დაკავშირებით, „ახალგაზრდები ახალგაზრდებისთვის“ გუნდური კონკურსი იმართება.

კონკურსის მიზანია, ახალ თაობაში ფინანსური განათლების გავრცელების წახალისება, ახალგაზრდებში ფინანსური განათლების გასავრცელებელი იდეების ინიცირება და საგანმანათლებლო მასალების შექმნა.

კონკურსში მონაწილეობის მიღება შეუძლია 15-25 წლამდე, 2-7 წევრისგან დაკომპლექტებულ გუნდებს. ნამუშევრების მიღება 12 აგვისტოდან - 14 სექტემბრის ჩათვლით გაგრძელდება. კონკურსის ფინალური ეტაპი კი 17 ოქტომბერს გაიმართება, რომელზეც ჟიური 3 გამარჯვებულ გუნდს გამოავლენს.

კონკურსში მონაწილე თითოეულმა გუნდმა უნდა აღწეროს და წარმოადგინოს მისი თაობის შერჩეულ სეგმენტზე ფინანსური განათლების საკითხების ეფექტურად სწავლების იდეები და აქტივობები, ახალგაზრდებში ფინანსური განათლების გასავრცელებლად.

„ახალგაზრდები ახალგაზრდებისთვის“ კონკურსში მონაწილეობის შესახებ დეტალურ ინფორმაციას მიიღებთ მოცემულ გვერდზე.



რა სეგმენტით გაიზარდა ივლისში საქართველოს ეკონომიკა 6.5%-ით
დასაწყისი ახლოსაა, მთავარია გჯეროდეს
საქართველოს ბანკის საჩუქრების კამპანია გრძელდება – გახსენით ანგარიში ბიზნეს მობილბანკით
საქართველოს ბანკის მხარდაჭერით, ლბ კაპიტალი თბილისში სასაწყობე პროექტს ახორციელებს