ქალაქ კასპში ადგილობრივი მნიშვნელობის ქუჩებზე საგზაო ინფრასტრუქტურის მოწყობა გრძელდება. ამის შესახებ ინფორმაციას კასპის მუნიციპალიტეტის მერია ავრცელებს.

მერიის ცნობით, ქვათახევის მოწამეთა ქუჩაზე მოეწყო ანაკრები  რკინა ბეტონის ღარები და ორფენიანი ასფალტ ბეტონის საფარი.

"აღნიშნული ქუჩა ერთ ერთია ქალაქის იმ 11 ქუჩიდან, რომელთა რეაბილიტაციაც მერიამ დაგეგმა და უკვე მიმდინარეობს.

ქვათახევის მოწამეთა ქუჩაზე ასევე მოეწყობა ეზოში შესასვლელები.  
პროექტს აფინანსებს რეგიონის განვითარების ფონდი და კასპის მუნიციპალიტეტის ადგილობრივი ბიუჯეტი", - ნათქვამია ინფორმაციაშ.