კასპის მუნიციპალიტეტის სოფელ ერთაწმინდაში, რთულ საგზაო მონაკვეთზე არმირებული ბეტონის საფარის მოწყობის სამუშაო დასრულდა. ამის შესახებ ინფორმაციას კასპის მერია ავრცელებს.

მერიის ცნობით, გზაზე  მოწყობილია დამცავი კედელი და სანიაღვრე არხი.

"კეთილმოწყობილმა საგზაო ინფრასტრუქტურამ  უზრუნველყო ადგილობრივების უსაფრთხო გადაადგილება.

პროექტი რეგიონის განვითარების ფონდის და ადგილობრივი ბიუჯეტის თანადაფინანსებით შპს "ბესკოს“ მიერ განხორციელდა",- აღნიშნულია მერიის ინფორმაციაში.