გერმანიის საგარეო საქმეთა მინისტრმა, ანალენა ბერბოკმა ჩინეთს უკრაინაში მშვიდობის დასამყარებლად ინტენსიური მუშაობისკენ მოუწოდა. ამის შესახებ ინფორმაციას გერმანული მედია ავრცელებს.

მედიის ცნობით, ბერბოკმა თქვა, რომ ჩინეთს, როგორც გაეროს უშიშროების საბჭოს მუდმივ წევრს, აქვს ვალდებულება, გააკეთოს ყველაფერი, რათა მშვიდობის აღდგენა მოხდეს.

„პირველ რიგში, ეს ნიშნავს, არ დაუჭირონ მხარი აგრესორს, არ გამოუცხადონ მხარდაჭერა რუსეთს“,- აღნიშნა ბერბოკმა.