"თალიბანი" ტერორიზმთან ბრძოლაში რუსეთის მოკავშირეა, ვინაიდან ისინი აკონტროლებენ სიტუაციას ავღანეთში, - ამის შესახებ რუსეთის პრეზიდენტმა, ვლადიმერ პუტინმა განაცხადა.

პუტინის თქმით, თალიბებმა "აიღეს გარკვეული პასუხისმგებლობა, მაგრამ ჯერ კიდევ არის საკითხები, რომლებიც მუდმივ ყურადღებას საჭიროებს".

"ავღანეთში ძალაუფლებას „თალიბანი“ აკონტროლებს. და ამ თვალსაზრისით, „თალიბანი“, რა თქმა უნდა, ჩვენი მოკავშირეა ტერორიზმთან ბრძოლაში, რადგან ნებისმიერი ხელისუფლება დაინტერესებულია სახელმწიფოში სტაბილურობით", - განაცხადა პუტინმა.