ისრაელის შეიარაღებულმა ძალებმა დასავლეთ სანაპიროზე რეიდის დროს 3 პალესტინელი მოკლეს და რამდენიმე დააკავეს. ამის შესახებ ინფორმაციას Reuters-ი ავრცელებს.

მედია სამხედროებზე დაყრდნობით აღნიშნავს, რომ ეს ოპერაცია თავდასხმების თავიდან ასაცილებლად გახდა საჭირო.

„რეიდის დროს, ისრაელის სამხედროებმა ალყა შემოარტყეს შენობას, სადაც 2 შეიარაღებული პირი იყო გამაგრებული, სწორედ ამ დროს მოკლეს 2 პალესტინელი, ხოლო მესამე პირი ისრაელის მხარემ ქალაქის სხვა ადგილას მოკლა“, - წერს მედია.

მათივე ინფორმაციით, ისრაელელმა სამხედროებმა შენობაში მყოფ პალესტინელებს „უფროსი ტერორისტები“ უწოდეს და აღნიშნეს, რომ რეიდისას მათ იარაღები ამოიღეს.