დღეს კასპის მუნიციპალიტეტიდან შიდა ქართლის რეგიონის ინოვაციების ბანაკი TECHSKILLS BOOTCAMP 2024-ში 13 ახალგაზრდა გაემგზავრა. ამის შესახებ ინფორმაციას კასპის მუნიციპალიტეტის მერია ავრცელებს.

მერიის ცნობით, კასპის ტექნოპარკის ორგანიზებით, კასპის, გორის, ქარელისა და ხაშურის მუნიციპალიტეტების მერიების და  საქართველოს ინოვაციების და ტექნოლოგიების სააგენტოს დაფინანსებით, შიდა ქართლის რეგიონის ინოვაციების ბანაკი TECHSKILLS BOOTCAMP 2024 ტარდება.

“5-დღიანი ბანაკი ბაკურიანში გაიმართება, რომელიც  Web/Mobile Development მიმართულებით ინტენსიურ ტრენინგ კურსებს და "ვორქშოპებს" მოიცავს. ბანაკში მონაწილეები კონკურსის საფუძველზე შეირჩნენ“,- ნათქვამია ინფორმაციაში.