უნგრეთის პრემიერ-მინისტრი განცხადებით, ბრიუსელში ბიუროკრატები ტრამპის ტორნადოს თავს ვერ დააღწევენ. ამის შესახებ ვიქტორ ორბანი სოციალურ ქსელ X-ში წერს.

ორბანის განცხადებით, 14 დღეში დონალდ ტრამპმა მის მიერ მიღებული გადაწყვეტილებებით მსოფლიო თავდაყირა დააყენა.

„გუშინ ჩვენ ჩავატარეთ ევროკავშირის პირველი სამიტი ბრიუსელში პრეზიდენტ ტრამპის ინაუგურაციის შემდეგ. უცნაური შეკრება იყო. ბრიუსელში ყველას შეუძლია, დაინახოს ტრამპის ტორნადოს მოახლოება, მაგრამ უმეტესობა მაინც ფიქრობს, რომ შეუძლია, მას თავი დააღწიოს. ისინი ამას ვერ შეძლებენ. 14 დღეში დონალდ ტრამპმა რამდენიმე მიღებული ზომით დააყენა მსოფლიო თავდაყირა. ამერიკაში გენდერული სიგიჟე დასრულდა, დასრულდა გლობალისტი სოროსის ორგანიზაციების დაფინანსება, დასრულდა არალეგალური მიგრაცია და ასევე დასრულდა რუსეთ-უკრაინის ომის მხარდაჭერა. სხვა სიტყვებით რომ ვთქვათ, ყველაფერი, რის თავს მოხვევასაც ბრიუსელის ბიუროკრატები ცდილობდნენ ჩვენთვის ბოლო წლებში, დასრულდა“, – წერს ორბანი.

ორბანის თქმით, აქამდე არსებული გლობალური ვაჭრობის წესები იცვლება და ევროკავშირს წინ რთული თვეები ელოდება.