მიუნხენის უსაფრთხოების კონფერენციაში საქართველო მონაწილეობას არ მიიღებს

საქართველო 2025 წელს არ იღებს მონაწილეობას მიუნხენის უსაფრთხოების კონფერენციაში -  ინფორმაციას მთავრობის ადმინისტრაციაში ადასტურებენ.

მიუნხენის უსაფრთხოების კონფერენცია კი წელს 14-16 თებერვალსაა დაგეგმილი.

ყოფილი თავდაცვის მინისტრის, თინა ხიდაშელის განცხადებით, 2025 წლის მიუნხენის კონფერენცია იქნება პირველი, რომელსაც საქართველოს თავდაცვის და საგარეო საქმეთა მინისტრები არ დაესწრებიან.

როგორც დღეს გახდა ცნობილი, საქართველო ასევე მონაწილეობას არ მიიღებს დავოსის ეკონომიკური ფორუმში, რომელიც 20-24 იანვარს ტარდება შვეიცარიაში და მასში 60 სახელმწიფო მეთაური და 130 ქვეყანა იღებს მონაწილეობას.

მონაწილეთა შორის არიან საქართველოს მეზობლები, აზერბაიჯანისა და სომხეთის ლიდერები, ილჰამ ალიევი და ნიკოლ ფაშინიანი. ასევე; აშშ-ის არჩეული პრეზიდენტი დონალდ ტრამპი (დისტანციურად).



„თეგეტა ჰოლდინგი“ AmCham-ისა და MAC Georgia-ს სასტიპენდიო პროგრამას შეუერთდა
პროტესტის 72-ე დღე - მოქალაქეები მარშისთვის ემზადებიან
პარლამენტში ახალი პოლიტიკური ჯგუფი დარეგისტრირდა
ალექსი პეტრიაშვილი მოსამართლემ 5 ათასი ლარით დააჯარიმა